Onlangs op Kayalami
Johannesburg het die jongklomp van Rustenburg die res van die land se
jongklomp goed laat les opsê by die jaarlikse MTN Free to Speak Xtreme
Games. Hierdie jaarlikse kompetisie, wat bestaan uit rollerblading,
skateboarding, BMX, breakdancing en Graffiti word elke jaar meer en meer
gewild onder die jongmense.
Vanjaar was die grootste kompetisie nog en die beste resultate ooit vir
Rustenburg!
Rustenburg is verteenwoordig in die kategorie breakdancing,
rollerblading en graffiti. Die Spin B-Boys (Eugene, Francois, Chris,
Alexis en Bradly) het gesorg dat die manne van Johannesburg, Pretoria en
Boksburg hulle sokkies moes optrek, toe die Rustenburgers die eerste dag
van die Breakdancing gewen het. Na baie strawwe kompetisie in die Battle-kompetisie
het die Spin B-Boys met ‘n algehele tweede plek weggestap - Die B-Team
B-Boys (Francois, Steven, Sherief, PJ en Dillian) wat hierdie jaar vir die
eerste keer deelgeneem het, het vierde plek verower.
In die rollerblading-afdeling het Johannes die algehele vierde plek
verower en ook gesorg vir groot opwinding toe hy tweede gekom het in die
Best Trick-kompetisie.
Nog presteerders was die twee graffiti-manne Steven en Francois wat
hierdie jaar ook vir die eerste keer deelgeneem het en met ‘n derde plek
spog!
Dit was vanjaar die tweede keer dat Rustenburg aan die X Games
deelgeneem het, maar verseker nog nie die laaste sien nie!
