Pa en seun, Sakkie en André van Niekerk van Hydro King Aircons in Rustenburg, het in Maart vanjaar begin om hierdie unieke verkoelers in motors te installeer nadat hul die franchise van die Pretorianer Sarel Cilliers aangekoop het. Sarel het die verkoeler in 1994 ontwerp en patenteer, maar nooit werkli aggressief bemark nie. Toe André van ‘n vriend van hom hoor van die unieke verkoeler, was hy nie links nie, en het onmiddellik die franchise vir Rustenburg gekoop. Nou kan Rustenburgers deel in die unieke konsep wat ook sommer baie minder geld uit die sak jaag.

Wat die verkoeler so uniek maak, is die feit dat die kleiner modelle voertuie op die mark uiters geskik is vir installasie - modelle wat voorheen nie verkoelers kon kry nie!

Dit sluit onder meer motorvoertuie in soos: Mazda, Midge, Sting, Corsa, Golf, Jetta, Toyota Tazz, Corolla en Conquest asook bakkies soos Toyota, Mazda, Ford, Bantam, Corsa en Isuzu.

Daarbenewens gebruik die verkoeler geen enginkrag nie en werk ook nie met gas nie! Die enigste nadeel is dat die water waarmee die verkoeler werk, kan op raak (bloot as jy vergeet om dit dop te hou!)

Die konsep is uiters veilig en wanneer dit in jou voertuig installeer word, word die minimum veranderings gedoen - jou motor word eenvoudig vroegoggend by Hydro King Aircons gelaat, en dieselfde middag nog kan jy dit kom afhaal. Daar is ook geen moontlikhied van slytasie nie, aangesien geen enginkrag gebruik word nie.

Tans is Hydro King Aircons nog die enigste besigheid in die Noordwes provinsie wat hierdie tipe verkoelers verkoop en installeer. Die verkoeler werk met skoon water en is uiters koste-effektief. Daarbenewens dra dit ook ‘n volle eenjaar-waarborg en die prys van R1700 sluit arbeid en installasie in.

Die verkoeler is ook veral vir Rustenburg geskik in die sin dat dit selfs meer effektief is wanneer die humiditeit laag is.

Dit kan ook op koel dae saam met jou motor se verwarmer gebruik word, juis om die humiditeit in jou motor te verhoog!

Die waterspuit werk met ‘n tydskakelaar en die moontlikheid van uit-brand is dus feitlik nul aangesien die spuit net elke 1 minuut 15 sekon-des vir presies 3 sekon-des aktief is.Hydro King Aircons is geleë in Jou-bertstraat 68 Rustenburg en kan besoek word van 08:00 tot 17:00 op enige weeksdag of gekontak word by 083 388 7950 0f 082 761 0573.